為咗感激老嘢平時做人肉提款機貢辛苦是日又係老嘢大壽一於慰勞吓佢同賀賀佢牛一。阿老嘢鐘意食翅而我就鐘意食鮑魚，一於首選去【阿一鮑魚】嘆鮑參翅肚賀牛一 (想食啫嘛~咩籍口都講得出)。

一嚟兩煲即離火爐熱刺刺近二両『金湯蟹皇翅』，啖啖真翅老頭子至愛食到佢猛話好味生日大晒破例畀佢食一次蟹皇咁多嘞，下不為例 ! 食完煲翅已經好飽但陸續有嚟…

服務員準備刀叉侍候就知下一味係『扣鮮鮑魚海參冬菇』，我至愛嘅六頭鮑，一流! 不過係要啲大日子老頭子才肯「放水」任我嘆，嚿唔知咩咩海參、冬菇同鮑魚配合得天衣無縫，苦一生都之不過想食到咁嘅人間极品啫…

啱啱擺低刀叉鮑魚汁仲喺齒罅穿梭，第三味『魚翅釀蟹蓋』已經捧上，啖啖魚翅真係唔話得，並不是翅頭翅尾碎翅咁cheap喎，係真翅嚟架!! 咁搞法老嘢膽固醇指標恐怕又爆燈嘞! 可能驚你食滯鮑魚汁唔好嘥整埋碟『鮑汁芥蘭』過你嘆，簡單得嚟查實啲鮑汁撈飯最好味，好味到連相都唔記得影已經畀我哋掃晒。

說時遲那時快兩碟『鮑汁荷葉飯』擺咗響面前，整整齊齊服務員仲細心到喺荷葉蓋面剪開三邊等你「發落」。呢個時候心頭酸微微有啲內疚因為我哋經已飽到想嘔，大大個荷葉飯都幾膩架仲要用鮑汁煑，最後至上個飯若然食唔晒似暴殄天物多啲，食完仲約咗去做Aeromatheraphy香薰油全身按摩，我仲同個雲南嚟嘅服務員姐姐講笑話：等跟做按摩千祉唔好嘔嚿鮑魚出嚟，盞嘥! 佢笑到他鄉遇故知同我交換咗電話E猫。

食燕窩雪蛤膏食大估唔到一場大病做咗手術之後唔可以再食燕窩。為咗賀賀老嘢牛一偷食最後捧上甜品『椰汁官燕』都值得嘅

這一夜食得完美無瑕因為我哋將所有美食塞滿肚再坐100匹「督督」去做咗個半鐘Aeromatheraphy… (温太問我：點解牛一唔帶老嘢去Sirocco慶祝? 我話：佢食中餐會更加開心就係咁簡單，Sirocco等埋你哋聽晚嚟到先去)

2480匹一個套餐我哋嗌咗兩份，埋單連貼士承為5400匹 (HK$1149)
金湯蟹皇翅
扣鮮鮑魚海參冬菇
魚翅釀蟹蓋
鮑汁芥蘭
鮑汁荷葉飯
椰汁官燕

地址:
【阿一鮑魚】本應叫富臨酒家後來一哥主理打正名堂改咗名【阿一鮑魚】
Manam Riverside Hotel (湄南酒店) 2nd floor
Charoen Krung Road
Wat Phayakrai
Bangkok 10120
Tel: 02-2917738
最好搭的士直接到湄南河畔的湄南酒店，【阿一鮑魚】有專lift按二字樓，千祉唔好好似我哋咁差啲入錯lift左邊間餐廳。