抵死，兩隻老嘢一落機學人去tea搞到夜晚餐飯冇乜心機食，加上時差泰國7、8點已經係香港8、9點，專家話想瘦就唔好響瞓覺前4小時進食，咁點吖? 家陣已經8點幾咪即係香港9點?! (諗到肥住返港………知驚嘞咩?)

行行吓入咗裝修緊嘅 Central World，聽聞佢係全東南亞最大 shopping centre (乜唔係Siam Paragon咩?)，雖則相連二期仍然如火如荼響度施工。嚟到7樓 FLAVOUR 入口，侍應纯熟遞過兩張每張值1000匹食卡卑老嘢。成日嚟泰國玩嘅人都知呢薯飲食文化同我哋有啲唔同，我就非常欣賞佢哋嘅concept唔知點解香港大型商場裡邊啲food court唔跟風**

兜個ring眼前一亮，咁嘅格局做food court會唔會晒咗啲咧?! 除咗普通4座位枱，哇哇哇~落地玻璃旁邊仲一字排開大大話話超過十張黑色真皮疏化每張疏化仲有兩個黑色真皮咕(0臣)卑人攬攬添吖 ! 若然日光日白嚟窗外景色「怡人」望到Siam Paragon則門對出大空地都叫做開陽架 !可惜依家黑嘛嘛咩都睇唔到。地方都算幾大仲有位擺成排鮮紅色懶佬布梳化隔住4人枱同黑皮梳化，仍然大把空間畀人走動。

呢度嘢食平到你唔信；嗌咗碟春卷小食60匹、兩碗牛腩牛丸湯米80匹、大支裝礦泉水25匹(來佬貨好似貴咗啲)，埋單835匹承為港幣$35，喺香港食消夜都唔得喇~~~~

**曼谷新興獨有一套飲食文化，我唔敢一概以論衹凭我經驗而言。

Food Hall and Food Court
新建設大型商場新式食坊多數己彩用 food card 購食物，大型商場裡面食坊多數劃分成Food Hall and Food Court。
入到 food court 裡面特定區域即有人serve嘅food hall，而food court 就係self-serve嘅(自助)。

Food Card
Card分兩種，我哋試過喺food court 先排隊去counter畀錢買一張分幾種價值嘅value card駛唔晒剩返啲錢可以去counter換返現金；如果去food hall嘅話，入口一定有個侍應姐姐哥哥截住你畀張卡你，一人一張10個人就10張包你碌唔爆，走嗰陣拎張卡畀cashier嘟一嘟就知食咗幾多錢跟住再畀cash埋單…… 係咪好方便咧 ? 我哋超鐘意呢個concept唔駛食食吓想再買啲嘢食又要排過隊畀過錢買過飛再排過隊至買到嘢食 !!

淤事小記:
有日去Central商場樓上 Loft Food Hall & Food Court。我哋喺food court 買嘢食 suppose 唔畀人坐 food hall 範圍，我哋兩隻老嘢傻亢亢托住個盤唔知掟行咗入去，點知突然剎出個人幫我托盤仲問我想坐邊跟住問老嘢要唔要飲啲咩。确實有啲淤嘅但泰國人出名有禮貌，侍應哥哥任由我哋坐響落地玻璃窗張枱擺低啲嘢就徑自走開嘞。